Policia Rajonale e Ferizajt realizoi 37 urdhëresa të gjykatave gjatë javës së kaluar

16:26 | 19 Gusht 2024
E.G

Policia Rajonale e Ferizajt në bazë të planit operativ realizimi i urdhëresave të gjykatave themelore, gjatë javës së kaluar ka realizuar 37 urdhëresa të gjykatave kompetente për vepra të ndryshme penale.

Sipas njoftimit, realizimi i urdhëresave ndaj personave që ende nuk i janë përgjigjur thirrjes së gjykatës do të vazhdojë, shkruan Arbresh.info.

“Ftojmë qytetarët të bashkëpunojnë me policinë, nëse kanë informacione për personat që janë të kërkuar nga organet e rendit, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406. Të dhënat e juaja do të ruhen në konfidencialitet të plotë.”, thuhet në njoftim./Arbresh.info/